Ifølgje data frå rapportane som Helsedirektoratet har motteke er det fødd til saman 43 096 barn etter behandling med assistert befruktning utført i Noreg i perioden 2007 til og med 2023. Av desse er 29 446 barn fødde etter behandling ved offentlege klinikkar (68,3 prosent) og 13 650 (31,7 prosent) er blitt til etter behandling ved private klinikkar.
Data frå Medisinsk fødselsregister viser at det i den same perioden blei fødd totalt 992 512 barn i Noreg. Barn fødd etter assistert befruktning ved norske klinikkar utgjorde 3,1 prosent av alle barn fødd i 2007. Prosentdelen auka til 5,5 i 2023.
Det har i har vore ei jamn auking i kor mange barn som blir til etter assistert befruktning gjennom perioden. Då er alle typar behandlingar inkludert, også behandlingar med donor (sjå meir om bruk av donor nedanfor). Det høgaste talet er frå 2023, då behandlingar med assistert befruktning ga til saman 3 476 barn.
Figuren viser utviklinga over tid, frå 2007, då behandlingar med assistert befruktning til saman 2074 barn, til og med 2023.
Y-aksen viser kor mange barn som ble fødde etter assistert befruktning det aktuelle året (x-aksen). Den øvste kurva (turkis) vister kor mange barn det var til saman det aktuelle året. Den mørkegrøne kurva viser kor mange av desse som var fødde etter behandling på ein offentleg klinikk og kurva nedst viser kor mange som blei til etter behandling på en privat klinikk. Som vist i figuren har talet på barn fødde etter behandling utført ved offentlege verksemder (den mørkegrøne kurva i midten) heile tida vore høgare enn talet på barn fødde etter behandling ved private klinikkar (lilla kurve nedst), men forskjellen blir stadig mindre. Dette speglar at det framleis er den offentlege helsetenesta som utfører flest behandlingar med assistert befruktning og har flest pasientar, men seier ikkje noko om kvaliteten i tilbodet eller sjansen for å få eit barn.