Medan røyking har gått ned i befolkninga dei siste tiåra, har bruken av snus auka (FHI, 2024).
Andelen som bruker snus dagleg har auka sidan 2012 i befolkninga, men med ulik grad av auke i ulike aldersgrupper. Blant dei yngste (16–24 år) og dei eldste (65–79 år) har bruken vore stabil.
Fleire menn enn kvinner bruker snus dagleg, og bruken er hyppigare blant dei under 45 år. Dagleg bruk av snus har sidan 2012 lege stabilt på rundt 15 % for kvinner og om lag 25 % for menn i aldersgruppa 16–24 år, medan det har vore ein aukande trend i aldersgruppene 25 til 64 år, særleg blant menn, sjå figurar nedanfor.
Andelen som rapporterer å bruke snus av og til har halde seg meir stabil dei siste 13 åra, og her er det mindre forskjellar mellom kjønna enn blant dei som bruker snus dagleg, sjå figurar nedanfor.
I 2025 rapporterte vel 20 % av menn at dei brukte snus dagleg, medan vel 4 % rapporterte at dei brukte snus av og til. Blant kvinner var andelen som brukte snus dagleg i overkant av 11 %, medan 3 % brukte snus av og til, sjå figurar nedanfor.
Bruk av snus er mest utbreidd blant unge vaksne . I 2025 rapporterte nesten 29 % i aldersgruppa 25 til 34 år at dei brukte snus dagleg, medan 4 % rapporterte at dei brukte snus av og til. I den yngste aldersgruppa (16–24 år) rapporterte om lag 23 % dagleg bruk og 7 % av-og-til-bruk av snus.