Individdata
Bruk og bruksmønstre
Rus- og tobakksundersøkinga blir gjennomført årleg av Statistisk sentralbyrå (SSB) på oppdrag frå Helsedirektoratet. Denne undersøkinga kartlegg bruken og vanane til befolkninga knytt til tobakksprodukt og e-sigarettar, alkohol og andre rusmiddel. Undersøkinga vart gjennomført første gang i 2012.
Det er 8000 vaksne som blir invitert til å delta i rus- og tobakksundersøkinga, og det er om lag 4500 av desse som svarar på undersøkinga. Utvalet er landsrepresentativt og i alderen frå 16 til 79 år. Frå 2024 blir undersøkinga gjennomført som ei «mixed mode»-undersøking der om lag halve utvalet svarer på ei sjølvadministrert webundersøking og om lag halvparten blir intervjua over telefon. Les meir i dokumentasjonsrapporten på SSB sine nettsider: Rus- og tobakksundersøkinga 2024 (ssb.no)
Resultata frå denne undersøkinga blir presentert i kapittelet om bruk av tobakksprodukt og e-sigarettar.
Kjelda til tala som er presenterte om utvikling over tid i bruk av tobakksprodukt og e-sigarettar er Røykevaneundersøkinga til SSB.
Kampanjeevaluering
I samband med kampanjeevaluering gjennomfører Helsedirektoratet undersøkingar for å kartlegge målgruppas bruk av og haldningar til nikotin, sigarettar, snus og vape – samt for å avdekke merksemd og oppfatning av kampanjen.
Desse undersøkingane er gjennomført i et webpanel (CAWI) av Norstat via Mindshare på vegne av Helsedirektoratet, i perioden uke 18–19 (før kampanjen) og uke 27–29 (etter kampanjen) i 2024. Utvalet består av 500 intervju av personar i alderen 15–25 år, brote ned på kjønn, alder og landsdel.
Kommunedata
Årleg blir undersøkinga «Kommunane sin forvaltning av tobakksskadelova» gjennomført i alle kommunane i landet (av Opinion på oppdrag frå Helsedirektoratet). Denne undersøkinga hentar inn data om forvaltninga av tobakksskadelova i kommunane, som registrerte brot på lova. Undersøkinga er gjennomført årleg sidan 2018, og svarprosenten er på om lag 95 %.
Registerdata
Tobakksals- og bevillingsregisteret (TBR) gir oversikt over fysiske salsstadar som har rett til å selje tobakksvarer og tobakkssurrogat i Noreg. Det er verksemdene sjølv som er ansvarleg for å registrere seg og halde opplysingane ved like i registeret. Dersom ei verksemd har fleire salsstadar, må alle salsstadane registrerast. Formålet med registeret er å gjere det mogleg for kommunane å føre tilsyn med salet av tobakksvarer og tobakkssurrogat.
TBR gir også oversikt over verksemder som har rett til å innføre, utføre og produsere tobakksvarer og utstyr for tobakksproduksjon. Det er Helsedirektoratet som gir løyve til verksemdene.