Overføring av finansieringsansvar for legemiddel

Endringa er oppfølging av den politiske avgjerda om at ansvaret for finansiering av legemiddel som hovudregel skal følge ansvaret for behandlinga.

Med bakgrunn i ei offentleg høyring har Helsedirektoratet avgjort kva legemiddel som blir overført frå folketrygda (blåresept) og desse er lista i tabell 1.

Dette er endringane som gjeld frå 1. januar 2026

• Dei regionale helseføretaka (RHF-ane) har ansvar for finansiering  og behandling med legemidla i lista under. Etter 1. januar vil det ikkje lenger være mogleg å rekvirere legemidla i tabell 1 på blåresept, gjennom bidragsordninga eller for yrkesskade.
• Alle nye reseptar frå 1. januar 2026 på legemiddel i tabell 1 må vere rekvirert av ein sjukehuslege eller avtalespesialist med rett til å rekvirere helseføretaksfinansierte legemiddel brukt utanfor sjukehus (h-reseptlegemiddel). Pasientane må ikkje betale eigendel for legemiddel på h-resept.
• Gyldige blåreseptar som er rekvirert før 1. januar 2026 er omfatta av ein overgangsordning. Pasientar som har slike blåreseptar kan framleis hente ut legemidla i apotek etter 1. januar 2026. Overgangsordninga gjeld sjølv om legen som rekvirerte før 1. januar ikkje vil ha rett til å rekvirere desse legemidla i den nye ordninga. Kostnaden for utlevering av desse reseptane vil bli dekka av RHF-ane og pasienten betaler ikkje eigendel.

Sjå meir informasjon om legemiddel som er finansiert av helseføretaka og brukt utanfor sjukehus (h-reseptlegemiddel).
 

Tabell 1. Legemiddel som blir overført til RHF-ene 1. januar 2026