Om fagrådet
Overordna koordinerande ansvar
Helsedirektoratet har eit overordna koordinerande ansvar for oppfølging av strategi for persontilpasset medisin 2023–2030 (regjeringen.no PDF). Strategien byggjer på Nasjonal strategi for persontilpassa medisin i helsetenesta 2017–2021, men har eit breiare perspektiv. Strategien har mellom anna ei rekke tiltak som er retta mot dei kommunale helse- og omsorgstenestene.
Fagrådet blei oppretta i 2019 for å koordinere oppfølging av den nasjonale strategien for persontilpassa medisin 2017–2021. Rådet vil bli utvikla vidare for å følgje opp den nye strategien.
Vidareutvikling av fagrådet
Helsedirektoratet har fått eit særskild ansvar for å følgje opp den nye strategien. Det handlar spesielt om koordinering av aktørane og oppfølgingsarbeid gjennom leiing av og vertskap for fagrådet. Som følgje av at denne strategien har eit breiare perspektiv, er det relevant at Helsedirektoratet ser på fagrådet si samansetning og mandat. Dette arbeidet pågår.
Formålet med noverande fagråd
Formål og oppgåver for Fagrådet:
- Fagrådet skal ha ei pådrivarrolle og bidra til å sikre samordna og koordinert oppfølging og implementering av Strategi for persontilpasset medisin 2023-2030.
- Fagrådet skal bidra til å sikre at utvikling og implementering av persontilpasset medisin i helsetjenesten skjer på ein heilskapleg måte.
- Fagrådet kan gje faglege innspel knytt til oppfølging av strategien, både til departementet og andre aktørar.
Mandatet til Fagråd for persontilpassa medisin definerer Fagrådets formål, oppgåver, samansetning og arbeidsmåte.
Medlemmene i Fagrådet
Medlemmene i fagrådet representerar sentrale aktørar med fagroller og oppgåver som er relevante for målområda i strategien. Martin Prøven Bogsrud leier fagrådet. Han er avdelingsleiar for avdeling for legemidler og biomedisin i Helsedirektoratet.
- Helsedirektoratet v/Martin Prøven Bogsrud (leiar) og Grethe S. Foss
- Abelia v/Stephen McAdam
- Datatilsynet v/Susanne Lie
- Dei regionale helseføretaka v/Hege Russnes (Helse Sør-Øst), Lars Eikvar (Helse Sør-Øst), Gunnar Douzgos Houge (Helse Vest), Björn Gustafsson (Helse Midt-Norge) og Rune Sundset (Helse Nord)
- Direktoratet for medisinske produkter v/Inger Johanne Bettum
- Folkehelseinstituttet v/Giske Ursin
- Funksjonshemmedes Fellesorganisasjon v/Lilly Ann Elvestad
- Kommunesektorens interesseorganisasjon (KS) v/Miert Lindboe
- Kreftforeningen v/Ole Alexander Opdalshei
- Kreftregisteret v/Giske Ursin
- Legemiddelindustrien v/Ina Dahlsveen
- Norges forskningsråd v/Ole Johan Borge
- Norsk forening for allmennmedisin v/Henrik Vogt
- Norsk forening for medisinsk genetikk v/Asbjørg Stray-Pedersen
- Oslo Cancer Cluster v/Ketil F. Widerberg
- Universitets- og høgskulesektoren v/Torstein Baade Rø (NTNU)
Sekretariat for Fagrådet (v/Helsedirektoratet):
- Siv Fjellkårstad
- Evita Maria Lindholm
