Dei ordningane det er aktuelt med endringar for er
- "Driftstilskudd til bruker- og pårørendeorganisasjoner innen psykisk helse-, rus- og vold",
- "Rådgivnings-, støtte- og veiledningstjenester innen psykisk helse, rus og vold"
- "Frivillig informasjons- og kontaktskapende arbeid"
Denne vidareutviklinga inneber at det kan bli endringar i regelverket for desse ordningane. Andre ordningar kan bli påverka, men ikkje med vesentlege endringar.
Organisasjonar som er råka, eller kan tenkast å bli råka av eventuelle endringar i regelverka til dei nemnde ordningane er velkomne til å gje innspel gjennom ei spørjeundersøking.
Gå til spørjeundersøkinga for å gje innspel
Frist for å gje innspel er tysdag 26. mars 2024.
Helsedirektoratet har fått vidareutvikling av tilskotsordningane som eit oppdrag frå Helse- og omsorgsdepartementet (HOD).
Meir informasjon om oppdraget og bakgrunnen for det, finn du i bakgrunnsnotatet